Новости

Новости

Новата Mazda CX-5: Најпродаваниот модел на Mazda во Европа сега е уште поатрактивен

Своето јубилејно 50-то појавување на Саемот за автомобили во Женева, Мазда, меѓу другото го прослави со европската премиера на новиот модел CX-5. Станува збор за втората генерација на компактниот SUV.

 

Наследникот на најпродаваниот модел на Mazda во Европа пристигнува со еволуираната SKYACTIV технологија, подобрена ергономија, удобност во возењето (нови седишта, подобра изолација…), моторизација, безбедносни системи (напредниот GVC) и сето тоа спакувано во една прекрасна каросерија.

 

Кога сме кај GVC системот, станува збор за технологија која што истовремено ја подобрува управливоста на автомобилот и безбедноста при возењето и доаѓа во стандардниот пакет на опрема.

 

Новиот CX-5 пристигнува со нешто пониска линија на покривот, а сето тоа му носи поспортски изглед на автомобилот на Mazda.

 

CX-5 пристигнува во продажба со 4-цилиндричен 2,5-литарски мотор со 6-степенски автоматски менувач и 187 коњски сили. Погонот е на предни тркала, опционално на сите четири, а продажбата започнува во текот на летото. 4-цилиндричниот 2,2-литарски дизел мотор пристигнува во втората половина од годината.

Мазда 6 ја освои престижната награда

Мазда 6 спечели престижната Награда за дизајн „red dot“
Леверкузен, 4 април 2013. Целосно новата Мазда 6 беше почестена со престижната награда „red dot“ за 2013 година и на тој начин ја додаде во својата колекција од награди и оваа меѓународно призната награда за исклучителен дизајн. Тоа е уште една потврда за исклучителниот предводник на Мазда и револуционерниот дизајн „KODO – Духот на Движењето“.

Жирито составено од 37 члена од независни експерти по дизајн, кои оценуваат според девет критериуми, му оддаде почест на KODO кој даде инспирација за новата Мазда 6, поради високото ниво на иновации во дизајнот. KODO дава инспирација за најновата генерација автомобили на Мазда. Инспириран од експлозивната енергија на животните и атлетичарите во движење, KODO ја симболизира посебната динамика на Мазда во целосна синхронизација со пристапот кој ги предизвикува правилата на Мазда кон целосно создавање на автомобилите кои се комплетно насочени кон луѓето. Дел од освоените награди вклучуваат: Auto Bild’s 2012 European Design Award (Мазда СХ-5, првата која користела KODO дизајн) и прво место кај концептуалните модели на германскиот конкурс за Автомобилски Дизајн 2012 (Mazda Takeri).

Базирана на концептуалниот модел Takeri, целосно новата Мазда 6 – вториот модел на Мазда, кој користи KODO – ја поседува и целата гама на SKYACTIV технологии кои се подредени на филозофијата Jinba Ittai – чувството за единство меѓу автомобил и човек. Отелотворувајќи ја и филозофијата за одржлив развој Zoom-Zoom, последниот предводник на марката успеа да достигне уникатни показатели за својата класа во економичност на гориво, безбедност и претставување.
„Со целосно новата Мазда 6, ние имаме намера да ги разбудиме сетилата на луѓето за да свртат глава и уште во истиот момент да посакаат да го возат овој автомобил“, вели Питер Бртвисл – главен дизајнер во Европскиот R&D центар на Мазда. „Наградата „red dot“ за дизајн е доста престижна и претставува доказ дека сме постигнале нешто навистина единствено со филозофијата KODO“.

Наградата за дизајн „red dot“
Основана во 1955 г. од страна на Центар за Дизајн Нордхајн Вестфалија, кој се наоѓа во Германија, „red dot“ е еден од најголемите конкурси за автомобилски дизајн. Наградите се за дизајн на производи, концептуален дизајн и комуникациски дизајн. Победниците на конкурсот „red dot награда: дизајн на производи 2013“, беа избрани од 4 622 понуди од 1 865 производители од 54 држави и ќе ги добијат своите награди на 1 јули Aalto Theatre во Essen. Победниците и нивниот производ добиваат право да го носат симболот на конкурсот, како потврда за уникатноста на нивниот дизајн.